saat samundar paar ke gudiyo ke bajaar se
achhee see gudiya laana
gudiya chaahe na laana, pappa jaldee aa jaana
tum pardes gaye jab se, bas yeh haal huwa tab se
dil divaana lagata hai, ghar viraana lagata hai
jhilmil chaand sitaaro ne, darwaajo divaaro ne
sabne puchha hai ham se, (kab jee chhutega gham se -2)
kab hoga unaka aana, pappa
ma bhee loree nahee gaatee, hamko nind nahee aatee
khel khilaune tut gaye, sangee saathee chhut gaye
jeb hamaaree khaalee hai, aur basee deewali hai
ham sabko na tadpaao, (apne ghar wapas aao -2)
aur kabhee phir na jaana, pappa
khat na samjho taar hai yeh, kaagaj nahee hai pyaar hai yeh
duree aur itanee duree, aisee bhee kya majburee
tum koyee naadan nahee, tum isase anjaan nahee
iss jivan ke sapane ho, (ek tumhee toh apane ho -2)
saara jag hai begaana pappa
